نقطع العجينه بالحجم اللي نرغبه انا احبها كبيره شوي واحيانا اتبل العجينه بالببريكا والفلفل الاحمر والثوم البودره والملح او بالسكر والهيل او ببهارات البيتزا اللي هي ريحان وزعتر واوريقانو او بالحبه السودا كل هاذي خيارات حسب رغبتك طبعا او ساده من دون تتبيل وهذا شكلها بعد التقطيع
بعد كذا اخبزه بآلة المطازيز بس انا ماافضلها افضل طريقه لها ترقينها بايدك وتحطينها على قلايه فيها شوي زيت حامي على النار وهذا شكلها اللي على اليمين بالآله واللي على اليسار رقيته بايدي وخبزته بالقلايه على النار
ملاحظه :الفرق بين الخبز بالآله والخبز باليد ان اللي بالآله يكون جاف وماينتفش ويكون قاسي شوي اما اللي باليد يكون طري للآخر ماشاء الله وهش واسفنجي وماييبس ابد مهما طول مكشوف