دنيا غريبة..
عالم فيها
ماشية بتضحك
وعالم عايشة عذاب لياليها
دنيا غريبة
عالم فيها
حزينة بتدمع
وعالم تانية الفرح ماليها
دنيا غريبة
عالم فيها
تحب وتعشق
وعالم تانية الكره عاميها
دنيا بتقسى
دنيا بتجرح
دنيا تبيع كل اللي شاريها
دنيا تفرق قلبين عاشوا فيها حبايب
لما تقرب
ترجع تبعد كل قرايب
دنيا غريبة
لو تنساها تنادى عليك
تلاقيها دايما ملك ايديك
ولو تهواها تلاقيها فجاة بتقسى عليك
اما عجيبة
لما تكوني يادنيا قريبة
نفرح بيكي
نجري عليكي
نصرخ فيكي
فجاة نحس انك مش لينا
فجاة نحس ان انت غريبة
نرجع تاني نعيد ونقول
اما عجيبة
دنيا غريبة
مع تحياتي
