مقادير العجين
2 1\2 كوب دقيق
ملعقة كبيرة خميرة
ملعقة كبيرة سكر
ملعقة كبيرة ملح
3 ملاعق كبيرة حليب بودرة
ملعقة كبيرة سمن كريسكو (يمكن استبدالها بربع كوب زيت زيتون
او زيت ذرة)
كوب ماء دافئ للعجين
حشوة اللحم
300 غرام لحمة مفرومة
حبة بندورة كبيرة مفرومة ناعم
بصلة متوسطة مفرومة ناعم كتير وازا عصير بيكون احسن
ملح وفلفل اسود
2 ملعقة كبيرة زيت زيتون
العجينة هاي انا اعتمدتها من زمان من اكثر من خمس سنين وبعمل فيها كل انواع الفطاير
والبيتزا وبتطلع وااااو طرية ومثل القطن لكن لباقي المعجنات بستخدم 2 ملعقة سكر بدل الوحدة
هون لانها فطاير بلحم مش لازم تكون العجينة فيها حلاوة
وانا كنت بستخدم زيت الزيتون بالعجن لكن الله يجزيها كل خير الاخت makeup_artest
مرة نصحت بسمن الكريسكو بطعم الزبدة وجربته وعجبني اكثر بالعجين انصحكم تجربوه بالعجائن وهاي صورته
[عزيزي الزائر يتوجب عليك التسجيل للمشاهدة الرابطللتسجيل اضغط هنا]
الطريقة
في وعاء العجن نخلط الخميرة والسكر مع كوب ماء دافئ ونحرك
ونتركها دقيقتين حتى تتخمر بهالشكل
[عزيزي الزائر يتوجب عليك التسجيل للمشاهدة الرابطللتسجيل اضغط هنا]
[عزيزي الزائر يتوجب عليك التسجيل للمشاهدة الرابطللتسجيل اضغط هنا]
نضيف الملح والحليب البودرة والسمن ونحرك
[عزيزي الزائر يتوجب عليك التسجيل للمشاهدة الرابطللتسجيل اضغط هنا]
ننخل الدقيق ونعجن حتى نحصل على عجينة ملساء لا تلتصق باليد
[عزيزي الزائر يتوجب عليك التسجيل للمشاهدة الرابطللتسجيل اضغط هنا]
لو شفتي انو العجينة لسة تلزق بايدك انخلي شوي دقيق لحتى تتماسك
لكن انا دايما تزبط معي بهذه المقادير
*على فكرة يا بنات لما تاخدي كوب معيار لازم تستخدميه طول الوصفة يعني
نفس الكوب تعيري فيه الدقيق والماء واي شيء اخر يحتاج للقياس
نغطي العجين ونتركها ترتاح مدة ساعة
نيجي للحشوة نغسل اللحمة المفرومة ونضعها في مصفاة
حتى تتصفى تماما من الماء نضعها في وعاء ونخلط معها البندورة
والبصل وزيت الزيتون والملح والفلفل
الحشوة هلا صارت جاهزة
[عزيزي الزائر يتوجب عليك التسجيل للمشاهدة الرابطللتسجيل اضغط هنا]
بنروح للعجين وهيك بتكون بعد ما خمرت
[عزيزي الزائر يتوجب عليك التسجيل للمشاهدة الرابطللتسجيل اضغط هنا]
[عزيزي الزائر يتوجب عليك التسجيل للمشاهدة الرابطللتسجيل اضغط هنا]
بنقطع العجينة لدوائر صغيرة
[عزيزي الزائر يتوجب عليك التسجيل للمشاهدة الرابطللتسجيل اضغط هنا]
بنشغل الفرن من تحت على حرارة 200م
بندهن صينية الفرن بزيت وبنفرد كل كرة عجين بهالشكل
حتى تصير مسطحة
[عزيزي الزائر يتوجب عليك التسجيل للمشاهدة الرابطللتسجيل اضغط هنا]
[عزيزي الزائر يتوجب عليك التسجيل للمشاهدة الرابطللتسجيل اضغط هنا]
وبعدين بنحط الحشوة عليها وبنكتر شوي ما تخافوا لانو اللحمة
المفرومة بتكش لو ما حطيتي كيمة منيحة بتطلع العجينة فاضية
[عزيزي الزائر يتوجب عليك التسجيل للمشاهدة الرابطللتسجيل اضغط هنا]
[عزيزي الزائر يتوجب عليك التسجيل للمشاهدة الرابطللتسجيل اضغط هنا]
وبندخلها الفرن المسخن مسبقا
وما بتاخد شي انتبهوا ينحرق العجين يعني بعد سبع دقايق
تفقدي قاع العجين لازم يكون ذهبي
بس تستوي من تحت شغلي الشواية من فوق وحمريها منيح
وهاي شكلها بس طلعت من الفرن
[عزيزي الزائر يتوجب عليك التسجيل للمشاهدة الرابطللتسجيل اضغط هنا]
وهاي صورة اقرب
[عزيزي الزائر يتوجب عليك التسجيل للمشاهدة الرابطللتسجيل اضغط هنا]
قدميها مع اللبن الزبادي
او انا بحب اخلط لبن زبادي مع شوية ماي ورشة ملح
ورشة زعتر ناشف وبالخلاط البراون اللي بنعمل فيه الصلصات
بيصير لبن اب روعة طيب مع الصفيحة
